8M

O 8 de marzo, Día Internacional da Muller, alzamos a voz pola igualdade real entre mulleres e homes. Nesta data lembramos a loita de tantas mulleres ao longo da historia para conquistar dereitos que hoxe parecen básicos, pero que custaron anos de esforzo e valentía.

Desde o noso instituto queremos reivindicar o papel fundamental das mulleres na sociedade e denunciar as discriminacións que aínda seguen presentes: a violencia machista, a desigualdade laboral, o menosprezo ás tarefas de coidados ou a falta de representación en moitos ámbitos.

Cremos nun mundo onde todas as persoas, independentemente do seu xénero, teñan as mesmas oportunidades. Sabemos que o camiño cara á igualdade comeza na educación, promovendo o respecto, a tolerancia e a xustiza desde as aulas.

Hoxe e todos os días reafirmamos o noso compromiso para construír unha sociedade máis xusta, libre e igualitaria.

Porque sen igualdade, non hai futuro.

#8M #IgualdadeReal

Porque no Milladoiro:

Somos Diferentes... Somos Referentes!!!